Wednesday, February 18, 2015

脆皮紅豆年糕 做法




祝大家新年快樂!羊年大吉!

新年當然唔小得年糕啦! 好掛住係香港過年既日子, 最開心係可以食盆菜, 食發財好市, 大魚大 .年糕一到新年就貴左一倍, 因為買親都食唔晒, 所以淨係可以買一款. 通常買完紅豆年糕就想食蘿蔔糕.. 為左令到唔好食到膩, 就用左春卷皮包住塊年糕先煎, 煎到金黃色, 外脆內軟, 十分之香口, 但係食完幾塊後仍然會膩..

上次整完芝士菠菜春卷仲有幾塊春卷皮剩低, 好朋友前幾年整過脆皮年糕比我食, 所以我又用同樣方法黎整. 春卷皮本身比較大塊, 可以用較剪一開四 先再包住年糕

材料:
年糕, 切薄片
春卷皮, 一開四



做法好簡單, 先將春卷皮好似信封咁包住塊年糕




我用椰子油黎煎, 十分之香同"應該"會比較健康..

摺口朝下, 先將摺口煎好再反轉煎至金黃色

大功告成!

新年快樂 :)